I bin daham de meiste Zeit,
ka Mensch oft weit und breit.
Neamd zum Untahoitn do,
wa i um a bissl Gsöschoft froh!
So geht's ma maunches Moi,
s'Allanisei is daun a Quoi!
Do hiando is a wirkli guat,
waun si nix riaht, nix tuat!
Ma kau ois in Ruhe mochn,
wos liegn bliebm is und aundre Sochn!
Corona hot echt vü Seitn.
Des kau ma net bestreitn!
Waun bei maunche Hüf ins Wossa foit,
geht des an die Nervn boid.
De strudln si daun o,
wan um a Auszeit wirkli froh.
Corona bringt net nua Segn,
a waun des a net hean megn!
I leb' allani in mein Bau
und ans waß i genau:
I hob's zwoa guat vakroft,
do waun des wea net schof ft?
Waun di d'letzte Kroft valosst,
is Corona boid vahosst.
Entschleinign kaun net jeda,
drum mocht's net draus a so a Weda!
So mauncha kämpft ums Übalebm.
Corona is do echt ka Segn!
Des Wichtigste in dera Zeit,
des sog i eich, liabe Leit:
Zaumsteh, aufanaundaschaun!
Do i sog da's im Vatraun:
Sche wa's waun des so bleibm tät,
Sunst is echt a weng a Gfrett.
Es soi si wos zum Guatn wendn,
und net in ana Katastrophn endn.
Ois Chance soit ma Corona nutzn,
daun derf sie des Virus wieda putzn.
I hoff mia lernan aus der gaunzn Soch,
hot a wos Guats, a Ungemoch!
Fluch und Segn z'gleich,
des is bei Gott net neich,
dass jedes Ding zwoa Seitn hot,
drum moch ma den Spagot:
Erhoitn wos guat funktioniert,
und lossn, wos uns stiat,
lossn, wos f ia uns net guat,
a wans net leicht foin tuat!
Daun, des glaub' i fest,
is Corona net nua Härtetest.
Daun wiad si echt wos toa.
Is des net wundaboa?
